Дефектологтан кеңес: «Ұсақ моториканы дамыту және оның сөйлеумен байланысы»

Ата-аналарға консультациялық  кеңес!

«№145 сөйлеу тіліндегі күрделі бұзылыстары бар  балаларға арналған бөбекжай» 

Педагог­-дефектологтан - Сабет.М.М.

Тақырыбы: «Ұсақ моториканыдамыту және оның сөйлеумен байланысы»

Құрметті ата-аналар!

Ұсақ моторика мен сөйлеудің байланысы!

         •        Саусақтардың қимылы сөйлеуге жауап беретін ми бөлімдерін белсендіреді

         •        Моторикасы жақсы дамыған балаларда сөздік қоры тез көбейеді

         •        Дыбыстардың дұрыс айтылуы, сөйлем құрау қабілеті жақсарады

         •        Зейін, есте сақтау, ойлау қабілеттері күшейеді

         •        Қолды басқару балаға жазуға, сурет салуға дайындық береді

Ұсақ моториканы дамытуға көмектесетін тиімді ойындар!

Саусақ ойындары:

         •        «Бес саусақ»,

         •        «Қуырмаш»,

         •        «Саусақтар амандасады»,

         •        «Бақ-бақ»,

         •        Екі қолмен бір мезгілде орындалатын жаттығулар.

Сөйлеуді белсендіруге өте пайдалы.

Құм және су ойындары!

Суды құю, құмды елеу, қасықпен тасымалдау — қолдың ұсақ қимылдарын жетілдіреді.

Жіп өткізу, түйме қадау

Марбель, моншақ тізу, жіпке пішін өткізу — дәлдік пен қозғалыс үйлесімділігін дамытады.

 Ермексазбен жұмыс

Домалақ жасау, қысып илеу, жапсыру — қолдың бұлшықеттерін күшейтеді.

Қайшымен жұмыс

Қауіпсіз қайшымен жолақтарды қию, қағаздан пішіндер жасау — қолды дамытуға өте тиімді.

Конструкторлар, мозаика, пазлдар

Лего, мозаика, ұсақ бөлшекті конструкторлар — қол ептілігін арттырады, логиканы дамытады.

Түймешелер мен сыдырманы ашып-жабу.

Киімнің түймесін қадау, сыдырманы тарту — күнделікті, әрі пайдалы жаттығулар.

Сөйлеуді қолдайтын қосымша тәсілдер!

         •        Саусақ жаттығулары кезінде өлең, тақпақ айтқызу

         •        Саусақтарды қимылдата отырып ертегі айту

         •        Баламен әңгімелесу, сұрақ-жауап ұйымдастыру

         •        Сурет бойынша әңгіме құрату

Ата-аналарға ұсыныстар!

         •        Күн сайын 5–10 минут ұсақ моторикаға арналған ойындар жасаңыз

         •        Баланы асықтырмаңыз, әр қозғалысты өз қарқынында орындауға мүмкіндік беріңіз

         •        Күнделікті тұрмыстағы әрекеттерді (жіп байлау, түйме тағу, кішкентай заттарды сұрыптау) дамыту құралы ретінде қолданыңыз

         •        Баланы мақтап, ынталандырып отырыңыз

Қорытынды:

Ұсақ моториканы дамыту — баланың сөйлеу тілінің, ойлау қабілетінің, өзін-өзі күту дағдыларының және оқу әрекетіне дайындығының негізі. Үйде қарапайым және қызықты жаттығуларды жүйелі түрде орындау баланың сөйлеуін, қимыл ептілігін және жалпы дамуын айтарлықтай жақсартады